રોજગાર અને તાલીમ ખાતું, ગાંધીનગર દ્વારા ઔદ્યોગિક તાલીમ સંસ્થાઓમાં પ્રવાસી સુપરવાઇઝર ઇન્સ્ટ્રક્ટર (પ્રવાસી સુ.ઇ.) માટે માનદ સેવાઓ આપવા માટેની જાહેરાત બહાર પાડવામાં આવી છે. આ ભરતી ખાસ કરીને તેઓ માટે સારો મોકો બની શકે છે જેઓ વિવિધ ટ્રેડ્સમાં તાલીમ મેળવી ચૂક્યા છે અને સરકારી ક્ષેત્રમાં કામ કરવાની ઇચ્છા ધરાવે છે. આજના આ લેખમાં આપણે આ ભરતીની તમામ મહત્વની માહિતી – જેમ કે મહત્વની તારીખો, પોસ્ટના નામ, લાયકાત, પગાર, અરજી પ્રક્રિયા અને પસંદગી પ્રક્રિયા વગેરે – સરળ ભાષામાં સમજશું.
મહત્વની તારીખ
આ ભરતી માટે ઉમેદવારોએ પોતાની અરજી જાહેરાત પ્રસિદ્ધ થયાના વર્કિંગ દિવસ–11ની અંદર જમા કરાવવાની રહેશે. એટલે કે ઉમેદવારોએ છેલ્લી તારીખની રાહ જોયા વગર શક્ય તેટલી વહેલી તકે પોતાની અરજી તમામ જરૂરી દસ્તાવેજો સાથે પલાણા ઔદ્યોગિક તાલીમ સંસ્થા ખાતે મોકલી આપવી જોઈએ. છેલ્લી તારીખ ચૂકી જવાથી ઉમેદવાર અરજી પ્રક્રિયામાંથી બહાર રહી શકે છે.
તમામ પોસ્ટના નામ
આ ભરતી માટે રોજગાર અને તાલીમ ખાતા દ્વારા નીચે મુજબની પોસ્ટ માટે પ્રવાસી સુ.ઇ.ની સેવાઓ આમંત્રિત કરવામાં આવી રહી છે –
- હેલ્થ સેનિટરી ઇન્સ્પેક્ટર (લૉંગ ટર્મ કોર્સ)
- આસિસ્ટન્ટ બ્યુટી થેરાપિસ્ટ (શોર્ટ ટર્મ કોર્સ)
- અંગ્રેજી વિષયના ઇન્સ્ટ્રક્ટર (Palana, Matar, Mahemadabad, Kheda ખાતે)
આ કોર્સો અલગ-અલગ ક્ષેત્રના ઉમેદવારો માટે સારો મોકો પુરો પાડે છે. ખાસ કરીને હેલ્થ સેનિટરી ક્ષેત્ર અને બ્યુટી થેરાપી જેવા પ્રોફેશનલ ટ્રેડ્સ માટે તક ઉપલબ્ધ છે.
ઉંમર મર્યાદા
જાહેરાતમાં ઉંમર મર્યાદાની સ્પષ્ટ માહિતી આપવામાં આવી નથી. પરંતુ સામાન્ય રીતે ITI તથા તાલીમ સંસ્થાઓમાં પ્રવાસી સુ.ઇ. માટે પાત્રતા ધોરણો અનુસાર યોગ્ય ઉંમરના ઉમેદવારોને તક આપવામાં આવે છે.
અરજી પ્રક્રિયા
ઉમેદવારોએ પોતાની વિગતવાર અરજી તૈયાર કરીને તે સાથે ધોરણ 10 પછીની તમામ લાયકાતના પુરાવા, અનુભવના પ્રમાણપત્રો તથા અન્ય જરૂરી દસ્તાવેજોની સ્વપ્રમાણિત નકલ જોડવી પડશે. અરજી જાહેર થયાના વર્કિંગ દિવસ–11માં પલાણા ITI સંસ્થામાં જમા કરાવવી રહેશે.
અરજીમાં ઉમેદવારોએ પોતાના મોબાઇલ નંબર અને સંપર્ક વિગતો ફરજીયાત દર્શાવવી જરૂરી છે. અરજી ફોર્મ સાથે અધૂરી માહિતી આપનાર ઉમેદવારોની અરજી રદ થઈ શકે છે.
પસંદગી પ્રક્રિયા
આ ભરતી માટે ઉમેદવારોની પસંદગી સંપૂર્ણપણે મેરીટ આધારે કરવામાં આવશે. એટલે કે, શૈક્ષણિક લાયકાત અને અનુભવના આધારે ઉમેદવારોની યાદી તૈયાર થશે. પસંદ થયેલા ઉમેદવારોને પ્રવાસી સુ.ઇ. તરીકે સેવા આપવા માટે બોલાવવામાં આવશે.
જરૂરી ડોક્યુમેન્ટસ
અરજી સાથે ઉમેદવારોએ નીચે મુજબના દસ્તાવેજોની સ્વપ્રમાણિત નકલ જોડવાની રહેશે –
- ધોરણ 10 પછીની શૈક્ષણિક લાયકાતના પુરાવા
- અનુભવ પ્રમાણપત્ર (જો હોય તો)
- ઓળખપત્ર (આધાર કાર્ડ વગેરે)
- પાસપોર્ટ સાઇઝ ફોટોગ્રાફ
- સંપર્ક નંબર તથા સરનામું
તમામ પોસ્ટ માટે લાયકાત
પ્રત્યેક પોસ્ટ માટે લાયકાત અલગ રાખવામાં આવી છે.
- હેલ્થ સેનિટરી ઇન્સ્પેક્ટર: માન્ય બોર્ડમાંથી સેનિટરી ઇન્સ્પેક્ટરનો ઓછામાં ઓછા 2 વર્ષનો ડિપ્લોમા, અથવા DGTમાંથી એડવાન્સ ડિપ્લોમા સાથે 2 વર્ષનો અનુભવ, અથવા NTC/NAC પાસ સાથે 3 વર્ષનો અનુભવ જરૂરી છે. ITI હેલ્થ સેનિટરી ટ્રેડ પાસ ઉમેદવારોને પણ 1 વર્ષના અનુભવ સાથે પાત્રતા આપવામાં આવશે.
- અસિસ્ટન્ટ બ્યુટી થેરાપિસ્ટ: લાયકાત તથા અનુભવની વિગતો એમ્પાવર પોર્ટલ અને રોજગાર તથા તાલીમ ખાતાની વેબસાઈટ પર ઉપલબ્ધ છે.
- અંગ્રેજી વિષય ઇન્સ્ટ્રક્ટર: BA B.Ed./MA B.Ed./BA M.Ed./MA M.Ed. પાસ ઉમેદવારો અરજી કરી શકે છે.
તમામ પોસ્ટ માટે પગાર
પ્રવાસી સુ.ઇ. તરીકે પસંદ થયેલા ઉમેદવારોને કલાકદીઠ રૂ. 90 મુજબ વેતન આપવામાં આવશે. દૈનિક 6 કલાકના ધોરણે મહત્તમ રૂ. 540 મળશે. આ મુજબ માસિક વેતન રૂ. 14,040 થી વધુ નહીં મળે. આ વેતન માનદ સેવા તરીકે ચૂકવવામાં આવશે, એટલે કે તે કોઈ કાયમી સરકારી નોકરી નહીં હોય.
ખાસ નોંધ
પ્રવાસી સુ.ઇ. તરીકે સેવા આપતા ઉમેદવારોએ ભવિષ્યમાં કોઈ કાયમી સરકારી નોકરી કે સેવા સંબંધિત હક્કનો દાવો કરી શકશે નહીં. ઉમેદવારોએ તે અંગેનું એફીડેવીટ પણ આપવું પડશે. વધુ માહિતી માટે નજીકની ITI સંસ્થા સાથે સંપર્ક કરી શકાય છે.
અરજી કરવા માટેની લિંક:
| જાહેરાત તથા અરજી કરવા માટે | અહીં ક્લિક કરો |